بجرنگی بھائی جان کا 3 دن میں 100 کروڑ کا بزنس

ممبئی: بالی ووڈ کے سپر اسٹار سلمان خان کی فلم ”بجرنگی بھائی جان” نے اپنی ریلیز کے 3 دن میں ہی 100 کروڑ سے زائد کمالیے ہیں۔ بھارتی میڈیا کے مطابق سلمان خان کی نئی فلم ”بجرنگی بھائی جان” نے ریلیز ہوتے ہی کامیابی کا سفر شروع کر دیا. شائقین نے فلم میں سلمان خان کی اداکاری کو نہ صرف سراہا بلکہ انہیں سنیما گھروں کا رخ کرنے پر مجبور کر دیا. سنیما گھروں میں فلم کی ہاؤس فل نمائش جاری ہے۔ فلم ”بجرنگی بھائی جان” نے ریلیز ہوتے ہی باکس آفس پر دھوم مچاتے ہوئے اپنی ریلیز کے 3 دنوں میں ہی 100 کروڑ سے زائد کما کر تیز ترین کمانے والی فلموں میں شامل ہو گئی۔ دبنگ خان کی فلم نے ریلیز کے پہلے روز صرف بھارت میں 27 کروڑ 25 لاکھ روپے دوسرے دن 36 کروڑ 60 لاکھ جب کہ تیسرے روز 38 کروڑ 75 لاکھ سے زائد کا بزنس کر کے 3 دن میں تیز ترین 100 کروڑ کمانے والی فلم بن گئی۔