اٹھائیس کچھوے برآمد: اسمگلر گرفتار

بریلی، 14 دسمبر (یو این آئی)اترپردیش میں بریلی کے بھوتا علاقے میں محکمہ جنگلات کی ٹیم نے ایک اسمگلر کو گرفتار کیا ہے جو دو بوروں میں 28 کچھوے بھر کرلے جارہا تھا۔سرکاری ذرائع نے آج یہاں بتایا کہ اطلاع ملنے پر محکمہ جنگلات کی ٹیم نے دیہی مہیشاپور چوراہے کے پاس سے کل شام ایک سائیکل پر دو بوروں میں کچھوے بھر کر لیجارہے فے جنگر کے پپو کو گرفتار کرلیا۔گرفتار کئے گئے اسمگلر سے پتہ چلا کہ ان کچھوؤں کو کولکاتا لے جاکر اونچے داموں میں فروخت کیا جاتا تھا۔ اسمگلر کے خلاف جنگلاتی زندگی کے تحفظ کی دفعات کے تحت معاملہ درج کرایا گیا ہے۔