یوپی میں 14 افراد سڑک حادثہ میں ہلاک

سیتاپور ، 14 دسمبر (یو این آئی) کل رات ہوئے ایک حادثہ میں کم از کم 14 افراد ہلاک اور 16 زخمی ہوگئے۔ یہ حادثہ ا س وقت ہوا جب ایک تیز رفتار ٹرک نے ایک کار اور ایک مسافر گاڑی کو کچل ڈالا۔
پولیس ذرائع نے بتایا ہے کہ ٹرک لکھم پور سے آرہا تھا کہ کوتوالی تھانہ کے تحت تیروا گاوں کے نزدیک دو گاڑیوں کو کچل ڈالا۔کار میں پانچ لوگ سوار تھے جن میں تین بچے شامل تھے جبکہ ایک مسافر گاڑی میں 23 مسافر سوار تھے۔زخمیوں میں سے دو کو لکھنئو کے ٹروماسینٹر بھیجا گیا ہے جبکہ باقی کو ضلع اسپتال میں داخل کرایا گیا ہے۔مرنے والے 4 کے نام راکیش (50) ، نیرج (25)، سنیل (22) اور سنت رام (38) ہیں۔