واشنگٹن: میکسیکو کے وسطی شہر ملزاپل میں ایک ٹرک کے مذہبی جلوس میں گھس جانے سے 27 افراد ہلاک اور 149 زخمی ہوگئے ۔عوامی سیکورٹی محکمہ کے ایک افسر نے مرنے والوں کی تعدا د کی تصدیق کرتے ہوئے بتایا ہے کہ زخمیوں 
میں سے چند کی حالت تشویشناک ہے ۔
انہوں نے بتایا کہ شہر میں بدھ کو نزارونی کی تقریب منائی جارہی تھی اس موقع پر سینٹ گریگوریو میگشو چرچ کی طرف جلوس جارہا تھا۔ اس دوران تعمیراتی سازوسامان سے لدے ایک ٹرک کا بریک فیل ہوگیا اورجلوس کے لوگوں کو روندتا ہوا ایک مکان سے جاٹکرایا۔حادثہ میں 27 افراد ہلاک ہوگئے اور 149 افراد زخمی ہوگئے ۔ اس حادثہ کے بعد ٹرک ڈرائیور موقع سے فرار ہوگیا۔ پولیس اسے تلاش کررہی ہے اور اس کمپنی کا بھی پتہ لگانے کی کوشش کررہی ہے جس کا یہ ٹرک تھا۔
