لکھنو¿:کانگریس کے دو شنبہ کو ہونے والے اسمبلی گھیراو¿ کو کامیاب بنانے والے اور عوامی بیداری کیلئے اتوار کو پارٹی ہیڈکوارٹر سے موٹر سائیکل ریلی نکالی گئی۔ ریاستی جنرل سکریٹری معروف خاں کی قیادت میں نکلی موٹر سائیکل ریلی کو ریاستی صدر ڈاکٹر نرمل کھتری نے ہری جھنڈی دکھاکر روانہ کیا۔ ریلی میں خاص طور سے ریاستی ترجمان سادھارتھ پریہ شریواستو اور امر ناتھ اگروال شامل تھے۔
پارٹی ہیڈکوارٹر سے شروع ہوئی موٹر سائیکل ریلی باپو بھون، اسلامیہ کالج،قیصر باغ، پریورتن چوک، ہائی کورٹ، اوڈین سنیما، کینٹ روڈ، برلنگٹن چوراہا، مہارانا پرتاپ مارگ، ناکہ، عیش باغ، حیدر گنج ہوتے ہوئے بازار کھالا تراہے پر اختتام پذیر ہوئی۔ ریلی کا اختتام شہر کانگریس صدر بودھ لال شکلا نے کیا۔اس موقع پر کانگریس قانون ساز کونسل کے لیڈر نصیب پٹھان، ہریش باجپئی، سراج مہدی، ونود چودھری، انوسوئیا شرما، ہنومان ترپاٹھی، سنجیو کمار سنگھ سمیت دیگر رہنما شامل تھے۔
ریلی میں خاص طور سے کمال احمد ہیرو ، عرشی خان، محمد ناصر، شعیب خان، محسن خان، ایف اے ایس چرچل، عدنان شریف، سندیپ پوت دار سمیت دیگر عہدیدار اور کارکنان شامل تھے۔
