دہلی میں بارش سے موسم سہانا

نئی دہلی:قومی دارالحکومت دہلی کے کئی علاقوں میں آج بارش سے موسم میں خوشگوار تبدیلی آگئی۔
محکمہ موسمیات کے ایک افسر نے کہا “صبح ساڑھے آٹھ بجے تک پالم میں 36.6 ملی میٹر، لودھی روڈ میں 19.5 ایم ایم، صفدر جنگ میں 5.5 ایم ایم، رِج میں 4.2 ایم ایم اور آیا نگر میں 2.1 ایم ایم بارش ریکارڈ کی گئی۔”
بارش سے درجہ حرارت میں بھی کمی ریکارڈ کی گئی۔ محکمہ موسمیات کے مطابق کم از کم درجہ حرارت 26.5 ڈگری سیلسیس درج کیا گیا۔ محکمہ موسمیات کے مطابق دوپہر میں کچھ علاقوں میں آسمان میں بادل چھائے رہنے کے ساتھ بارش کا اندازہ ہے ۔ زیادہ سے زیادہ درجہ حرارت تقریبا 34 ڈگری رہنے کا اندازہ ہے ۔نمی کی سطح 80 سے 90 فیصد کے درمیان رہی۔