سڑک حادثہ میں تین عازمین حج کی موت ، آٹھ زخمی

بھدوئی: اترپردیش میں بھدوئی کے اورائی علاقہ میں آج بلیرو اور ٹینکر کے درمیان ٹکر میں تین عازمین حج کی موت ہوگئی اور آٹھ زخمی ہوگئے ۔
اے ایس پی للن یادو کے مطابق حادثہ میں ہلاک ہونے والے سبھی لوگ بابت پور ہوائی اڈہ جارہے تھے جہاں سے انہیں حج کے لئے فلائٹ پکڑنی تھی ۔
مسٹر یادو نے بتایا کہ قومی شاہراہ پر بابو سرائے گا¶ں کے پاس بابت پور جانے والی بلیرو کو سامنے سے آنے والے ٹینکر نے ٹکر مار دی جس سے موقعہ ہی پر تین افراد جاں بحق ہوگئے ۔ زخمیوں میں تین کی حالت نازک بتائی جاتی ہے ۔ زخمیوں کو ضلع اسپتال میں داخل کرادیاگیا ہے ۔