فلمی ہستیوں نے کی طلبا کی گرفتاری کی مذمت

کلکتہ: مغربی بنگال کی کئی معروف فلمی ہستیوں نے فلم اینڈ ٹیلیویژن انسٹی ٹیوٹ آف انڈیا (ایف ٹی آئی آئی ) کے پانچ طلبا کی گرفتاری کی مذمت کی ہے ۔گوتم گھوش ، بدھ دیب داس گپتا اور اشوک وشوناتھ سمیت کئی فلمی ہستیوں نے طلبا کی گرفتاری کی سخت الفاظ میں مذمت کی ہے ۔ایف ٹی آئی آئی کے ڈائرکٹر پرشانت پتھاربے کو غیر قانونی طریقے سے روکے رکھنے اور ان کے ساتھ بدسلوکی کرنے اور سرکاری املاک کو نقصان پہچانے کے الزام میں ادارے کے پانچ طلبا کو پولیس نے گرفتار کرلیا حالانکہ بعد میں انہیں ضمانت پر چھوڑدیا ۔ایف ٹی آئی آئی کے سربراہ کی حیثیت سے گجیندر چوہان کی تقرری کے خلاف ادارے کے طلبا احتجاج کررہے ہیں ۔