پولیس۔ نکسل تصادم

جگدلپور؛چھتیس گڑھ کے بیجا پور ضلع میں پولیس اور نکسلیوں کے مابین آج صبح تصادم ہوا تاہم کسی کی ہلاکت کی اطلاع نہیں ہے ۔
پولیس ذرائع نے بتایا کہ نکسل آپریشن کے دوران منگا۔منکیلی کے مابین جنگل میں پولیس ٹیم کے پہنچتے ہی وہاں پہلے سے موجود نکسلیوں نے پولیس فورس پر حملہ کردیا۔انہوں نے بتایا کہ پولیس کی جوابی کارروائی کے بعد نکسلی جنگل اور پہاڑ کی آڑ لے کر فرار ہوگئے ۔ جائے تصادم سے تیر کمان، لال رنگ کے بینر، نکسلی لٹریچر، ٹارچ، بجلی کے تار اور دیگر استعمال کی اشیاء ضبط کئے گئے ہیں۔