صنم سعید کی فلم بجانا تکمیل کے آخری مراحل میں داخل

لاہور: اداکارہ صنم سعید کی فلم ”بجانا” تکمیل کے آخری مراحل میں داخل ہو گئی ۔ فلم میں ہیرو کا کردار محب مرزا کر رہے ہیں۔ فلم کے پروڈیوسر ارشد علی ہیں جبکہ ناصر خان اس فلم کی ہدایتکاری کر رہے ہیں۔ میڈیا سے گفتگو کرتے ہوئے صنم نے کہا کہ ان کی یہ فلم ” بجانا” انڈسٹری کو بحالی کی راہوں پر گامزن کرنے کے لئے آکسیجن کا کام دے گی۔ انہوں نے کہا کہ فلم کی سٹوری خاصی جاندار ہے ۔