نیویارک: اسٹار وارز فلم سیریز کی نئی فلم ‘دی فورس اویکنیس’ کی پروموشن انوکھے انداز میں کی جائے گی۔ اگلے ہفتے اس فلم کے کردار کھلونوں کی شکل میں نمائش کے لیے پیش کئے جائیں گے۔ اسٹار وارز کے کردار کھلونوں کی شکل میں اٹھارہ گھنٹے تک آن لائن بھی دیکھے جا سکیں گے۔ تین ستمبر کو ان کھلونوں کی نمائش آسٹریلیا سمیت بارہ ممالک میں کی جائے گی۔
نمائش میں اسٹار وارز کے کرداروں کے کھلونے، کومک بکس اور ملبوسات رکھے جائیں گے جو دنیا بھر کے اسٹورز پر فروخت کے لیے بھی دستیاب ہوں گے۔ ڈزنی انتظامیہ کا کہنا ہے کہ نمائش میں رکھے جانے والے روبوٹس اور دیگر کھلونے بچوں کی دلچسپی کا باعث بنیں گے۔
