اسلام آباد: پاکستان کی سینیٹ کی دفاعی کمیٹی نے کہا ہے کہ پاکستان کو ہندستان سے واحد بیرونی فوجی خطرہ لاحق ہے ۔سینیٹ کی دفاعی کمیٹی کے ارکان نے کل پاکستان کی فوج کے جوائنٹ اسٹاف کے ہیڈ کوارٹر پر فوجی حکام سے پاکستان کے لئے ہندستان کی جانب سے خطرے کی بابت بات چیت کی۔کمیٹی کے ارکان کو بتایا گیا کہ اعلیٰ سطحی فوجی تنظیم اور اسٹریٹجک منصوبہ بندی ڈویژن کس طرح کام کر رہے ہیں۔ٹیکنیکل دفاع ڈویژن نیوکلیائی پروگرام کا بھی محافظ ہے ۔
سینیٹ کی دفاعی کمیٹی کے ارکان نے پہلی بار جوائنٹ اسٹاف ہیڈ کوارٹر کا دورہ کیا۔وہاں ہیڈ کوارٹر کے سربراہ نے متعلقہ معاملات کی معلومات دی۔کمیٹی ارکان کو بتایا گیا کہ ہندستان نے ادھر حالیہ برسوں میں 100 ارب ڈالر کے ہتھیار خریدے جن میں سے 80 فیصد پاکستان رُخی ہیں۔ہندستانی فوج کی خریداری جاری ہے اور وہ اگلے پانچ سال میں 100 ارب ڈالر کے ہتھیاروں کی اور خریداری سکتی ہے ۔ ہندستان کا دفاعی بجٹ اس سال 40.07 ارب ڈالر کا ہے ۔
ارکان کو بتایا گیا کہ اس سے پاکستان کو اپنی حفاظت کے نظام کو بہتر بنانا ہو گا۔ ارکان کو یہ بھی بتایا گیا کہ پاکستان مذاکرات ناکام ہونے سے صورت حال عجیب ہو گئی ہے اور تنازعہ کے حل کا کوئی انتظام نہیں ہے ۔
