چوری کی موٹر سائیکل کے ساتھ ملزم گرفتار

کانپور: کلیان پور پولیس نے ایک شاطر چور کو شیو پری باغیچے کے پاس سے گاڑی چیکنگ کے دوران گرفتار کیا ہے۔ شہر میں لوٹ اور چوری کی واردات روکنے کےلئے ایس ایس پی کی ہدایت پر کلیانپور انسپکٹر اجے کمار شری واستو پولیس فورس کے ساتھ روشن نگر باغیچے کے پاس گاڑی چیکنگ کر رہے تھے ۔
چیکنگ کے دوران ایک موٹر سائیکل سوار نوجوان پولیس کو دیکھ کر بھاگنے لگا شک ہونے پر انسپکٹر نے اسے پکڑ لیا اور تھانے لے آئے ۔پوچھ گچھ پر روشن نگر باشندہ محمد وسیم کا بیٹا محمد سلمان عرف ساحل بتایا۔پولیس نے ملزم کے پاس سے چور ی کی موٹر سائیکل اور گیارہ موبائل فون برآمد کئے۔ملزم کو گرفتار کر کے جیل بھیج دیا گیا۔