نئی فلم اسٹار وارز دی فورس اویکنز کا نیا ٹریلر جاری

ہالی ووڈ: اسٹار وارز سلسلے کی ساتویں فلم ‘دی فورس اویکنز’ کی نئی جھلکیاں جاری کری گئی ہیں۔ دیوہیکل اڑن طشتریاں، انوکھے جہاز اور دیوقامت روبوٹس، دنیا کو حیران و پریشان کرنے کے لیے اب واپس آرہے ہیں۔ جی ہاں خلائی مخلوق کے دیوانے ہوجائیں تیار، کیونکہ اسٹار وارز سلسلے کی ساتویں فلم ‘دی فورس اویکنز’ کی نئی جھلکیاں جاری ہوگئی ہیں۔ جے جے ابرامز کی ہدایت کاری میں بننے والی اس فلم کی کہانی اسٹار وارز کے روایتی کرداروں کے گرد گھومتی ہے، جو جدید روبوٹس اور اڑن طشتریوں پر سوار ہو کر نئے خلائی مشنز پر روانہ ہوں گے۔ فلم میں اپنی اداکاری کے جوہر دکھانے والے فنکاروں میں جان بویگا، ڈیزی ریڈلے، ایڈم ڈرائیور، آسکر ایساق، اینڈی سرکس، ہیریسن فورڈ اور مارک ہیمل سمیت دیگر اداکار شامل ہیں۔ فلم کے پروڈیوسر ہالی ووڈ کو جراسک پارک جیسی کئی کامیاب فلمیں دینے والے کیتھلین کینیڈی ہیں، جبکہ یہ فلم والٹ ڈزنی پروڈکشنز کے بینر تلے 18 دسمبر کو سینما گھروں میں نمائش کے لیے پیش کردی جائے گی۔