ٹرک اور بس کی ٹکڑ میں تین افراد ہلاک ، تین زخمی

بیکانیر، 21 دسمبر (یو این آئی) راجستھان میں ضلع ہنومان گڑھ کے راوت سر تھانہ علاقے میں کل رات ایک ٹرک اور بس کے درمیان ٹکڑ میں تین افراد ہلاک ہوگئے۔پولیس کے مطابق میگا ہائی وے پر راوتسر سے تقریباً 3 کلو میٹر پہلے رات تقریباً دس بجے ایک ٹرک ہنومان گڑھ کی طرف جارہا تھا تبھی اچانک سڑک پر ایک سانڈ آگیا ۔ اس سے بچنے کی کوشش میں ٹرک بے قابو ہوکر سامنے سے آنے والے بس سے ٹکڑا گیا جس سے بس ڈرائیور اوم پرکاش جاٹ (35) اور کنڈکٹرسریندر کمار (24) کی موقع پر ہی موت ہوگئی جب کہ ٹرک میں سوار اس کے مالک بدھ رام میگھوال 60) بری طرح زخمی ہوگیا جسے ہنومان گڑھ ٹاؤن کے سرکاری اسپتال میں داخل کرایا گیا جہاں آج صبح اس کی موت ہوگئی۔پولیس کے مطابق میں 30 سے زائد مسافر سوار تھے۔ اس حادثے میں تین افراد زخمی بھی ہوئے ہیں۔ پولیس نے پوسٹ مارٹم کے بعد لاشیں گھر والوں کے سپرد کردی ہیں جبکہ بدھ رام کا آج پوسٹ مارٹم کیا جائے گا۔