لکھنو¿: رائے بریلی اپنے میکے سے دیور اور ایک رشتہ دار کے ساتھ موٹر سائیکل سے سسرال جا رہی حاملہ خاتون کو موہن لال گنج کے نزدیک ایک ٹرک نے کچل دیا۔ اس حادثہ میں حاملہ خاتون کی موت ہو گئی۔ حادثہ میں دیور اور رشتہ دار زخمی ہو گئے جبکہ خاتون کی گود میں موجود بچی بخیریت بچ گئی۔گوسائیں گنج کے داو¿د نگر کے رہنے والے کسان شرون کی اہلیہ تیس سالہ رشمی رکشا بندھن کے موقع پر اپنے میکے رائے بریلی گئی تھی۔ بتایا جاتا ہے کہ دو شنبہ کی شام وہ اپنے دیور رگھوویر، اپنے رشتہ دار راجو اور بیٹی کے ساتھ موٹر سائےکل کے واپس سسرال جا رہی تھی رشمی حاملہ تھی۔ بتاےا جاتا ہے کہ موہن لال گنج کے ادھوت کھیڑا گاو¿ں کے نزدیک سامنے سے ایک ٹرک نے ان کی موٹرسائیکل میں ٹکر مار دی۔
حادثہ میں رشمی کی موقع پر ہی موت ہو گئی جبکہ رگھویر اور راجو زخمی ہو گئے۔ حادثہ میں رشمی کی معصوم بیٹی بال بال بچ گئی۔ اطلاع پاکر موقع پر پہنچی پولیس نے دونوں زخمیوں کوعلاج کیلئے اسپتال میں داخل کرایا ہے۔ پولیس نے لاش کو پوسٹ مارٹم کیلئے بھیج دیا۔
