بیوی کی موت، ٹرک ڈرائیورحادثہ کے بعد موقع سے فرار
کانپور: پنکی تھانہ علاقے میں بے قابو ٹرک نے موٹر سائیکل سوار میاں بیوی کو ٹکر مار دی ۔ سرپر چوٹ آنے سے علاج کے لئے لے جاتے وقت بیوی نے راستے میں ہی دم توڑ دیا۔جبکہ شوہر شدید طور پر زخمی ہو گیا۔ سرائے مسوان پور میں رہنے والے اجے اپنی بیوی رجنی کے ساتھ موٹر سائیکل پر پنکی گئے تھے ۔
واپس لوٹے وقت پیچھے سے آئے تیز رفتار ٹرک نے موٹر سائیکل میں ٹکر مار دی ٹکر لگتے ہی میاں بیوی لہو لہان ہو کر گر پڑے ۔ حادثے کے بعد ڈرائیور ٹرک لے کر موقع سے بھاگ گیا۔راہ گیروں نے پولیس کو اطلاع دی ایس او پنکی آشیش مشرا نے بتایا کہ اطلاع ملتے ہی فورس کے ساتھ جائے حادثہ پر پہنچے اور سنگین حالت میں زخمی میاں بیوی کو اسپتال بھیجوایا۔ جہاں راستے میں خاتون نے دم توڑ دیا۔ جبکہ شوہر کا علاج ہیلٹ اسپتال میں چل رہا ہے۔
