ویلز کا رگبی ورلڈ کپ کیلئے سکواڈ کا اعلان

لندن: ویلز نے رگبی ورلڈ کپ 2015 کیلئے 31 رکنی سکواڈ کا اعلان کر دیا ہے۔ گیراتھ اینسکومب کو فٹنس مسائل کی وجہ سے سکواڈ کا حصہ نہیں بنایا گیا۔ نیوزی لینڈ نڑاد گیراتھ نے آئرلینڈ کے خلاف وارم اپ میچ میں شرکت کی تھی تاہم وہ ٹریننگ کے دوران ٹخنے کی انجری میں مبتلا ہو گئے ہیں۔ رگبی ورلڈ کپ 18 ستمبر سے انگلینڈ میں شروع ہو گا جس میں دنیا بھر سے 20 ممالک کی ٹیمیں ایکشن میں دکھائی دیں گی۔ ویلز کی ٹیم آسٹریلیا، انگلینڈ، فجی اور یوروگوئے کے ساتھ گروپ اے میں شامل ہے۔