مودی نے ڈاکٹر رادھا کرشنن کے نام سے یادگاری سکے جاری کئے

نئی دہلی:وزیر اعظم نریندر مودی نے آج سابق صدر و ممتاز ماہر تعلیم ڈاکٹر رادھا کرشنن کے نام سے 125اور 10روپئے کے یادگاری سکے جاری کئے ۔یوم اساتذہ سے قبل آج وزیر اعظم نے مانکشا سنٹر کے زور آور ہال میں منعقد ایک خصوصی تقریب میں یہ سکے جاری کئے ۔ مسٹر مودی نے آج یہاں سے ملک بھر کے طلبہ سے ویڈیو کانفرنسنگ کے ذریعہ براہ راست بات چیت بھی کی۔واضح رہے کہ ممتاز ماہر تعلیم و ہندوستان کے دوسرے صدر ڈاکٹر سروپلی رادھا کرشنن کی یوم پیدائش کے موقع پر یوم اساتذہ پورے ملک میں منایا جا تا ہے ۔