ممبئی میں واقع ریزرو بینک کی عمارت میں آگ لگ گئی

ممبئی:بھارتیہ ریزرو بینک کے ممبئی شہر کے باندرا کرلا احاطے میں واقع عمارت کی چوتھی منزل پر آج آگ لگ گئی۔فائر بریگیڈ کے ذرائع نے بتایا کہ ریزرو بینک کی عمارت کی چوتھی منزل پر آج صبح ساڑھے آٹھ بجے آگ لگ گئی۔ اس حادثہ میں کسی کے ہلاک ہونے کی ابھی تک کوئی اطلاع نہیں ہے ۔ذرائع نے بتایا کہ عمارت میں لگی آگ پر قابو پانے کیلئے فائربریگیڈ کی آٹھ گاڑیوں کو لگایا گیا ہے ۔ آتشزدگی کے اسباب اور اس سے ہوئے نقصان کا پتہ لگایا جا رہا ہے ۔