نیویارک: شہرہ آفاق بحری جہاز ٹائی ٹینک کے آخری لنچ کا مینو کارڈ نیلام ہونیوالا ہے۔ ٹائی ٹینک کے آخری لنچ مینیو کی آن لائن نیلامی کی جائیگی اور امید ہے کہ یہ ۷۰ہزار ڈالر میں فروخت ہوجائے گا۔ نیلامی کرنے والے ڈیوڈ لووینہیز کا کہنا ہے کہ مینیو جہاز کے مسافر ابراہم لنکن نے محفوظ کیا تھا اور اس پر ایک اور مسافر آئزک گیرالڈ کے بھی دستخط ہیں جبکہ مینیو پر ۱۴اپریل ۱۹۱۲تاریخ درج ہے اور ۱۵ اپریل کو ٹائی ٹینک ایک آئس برگ سے ٹکرانے کے بعد غرق ہوگیا تھا۔
اس نے مزید بتایا کہ ایسے دو یا تین اور مینیو بھی دنیا میں موجود ہیں۔ آخری لنچ میں مسافروں نے کورنڈ بیف، سبزیاں، گرلڈ مٹن اور ایپل پیسٹریاں کھائی تھیں۔،اس مینو کارڈ کی اگلے ماہ امریکا میں آن لائن نیلامی ہو گی۔
