یو ایس اوپن: کیون اینڈرسن کے ہاتھوں اینڈی مرے کو شکست

اینڈی مرے یو ایس اوپن ٹورنامنٹ سے چوتھے رائونڈ میں باہر ہو گئے ہیں جبکہ راجر فیڈرر نے سیدھے سیٹوں میں کامیابی حاصل کی۔ گذشتہ پانچ سال میں پہلی مرتبہ اینڈی مرے اتنی جلدی کسی گرینڈ سلیم سے باہر ہوئے ہوں۔ میچ کے دوران اینڈی مرے کھیل پر اپنا کنٹرول نہیں رکھ پائے اور انھوں نے اپنی جھنجھلاہٹ ریکیٹ پر نکالی۔ چار گھنٹے 18 منٹ تک چلنے والے ایک انتہائی سخت مقابلے میں جنوبی افریقہ کے کیون اینڈرسن نے مرے کو شکست دی۔ اینڈرسن پہلی بار کسی بڑے مقابلہ کے کوارٹر فائنل میں پہنچنے میں کامیاب ہوئے ہیں۔ جنوبی افریقہ کے کیون اینڈرسن کے ہاتھوں اپ سیٹ شکست کے بعد اینڈی مرے یو ایس اوپن سے باہر ہو گئے ہیں۔ انہیں 6-7،3-6،6-7 سے شکست کا سامنا کرنا پڑا۔