ممبئی: بگ باس سیزن 9 کا ٹریلر جاری کر دیا گیا ہے۔ بالی ووڈ کے سپر سٹار اداکار سلمان خان اب ایک مرتبہ پھر بگ باس سیزن 9 میں جلوہ گر ہوں گے جس کی تیاریاں جاری ہیں۔ بگ باس سیزن 9 کے ٹریلر میں بالی ووڈ کے سٹار اداکار سلمان خان کی مشہور آنکھ سے دو لوگوں کو ایک ساتھ دیکھا جا سکتا ہے جن کے بارے میں سلمان کا کہنا ہے کہ ایک کے ساتھ دوسرا کھلاڑی جڑ کر رہے گا جو ایک دوسرے کے لیے مشکلات کا سبب بھی بن سکتا ہے۔
یاد رہے پچھلے سیزن میں کوریوگرافر اور ہدایت کار فرح خان نے آخری کچھ قسطوں میں سلمان خان کی جگہ پروگرام کی میزبانی کے فرائض انجام دئیے تھے تاہم سلمان خان سماجی رابطے کی ویب سائٹ ٹوئٹر پر کہا کہ یہ سیزن صرف ان کا ہے۔ اس سیزن میں حصہ بننے والوں کا نام اب تک سامنے نہیں آیا، تاہم سوشل میڈیا پر ثنا سعید، عاشا نیگی، انکت گیرا اور پرتھ سمنتھن جیسے نام گردش کر رہے ہیں۔ سلمان خان بگ باس کے ساتھ ساتھ اپنی آنے والی فلم کی تیاری بھی کر رہے ہیں جس کی ہدایات کبیر خان دیں گے جبکہ فلم کے پروڈیوسر اتل اگنی ہوتری ہیں۔
