پولیس حولدار معطل

بھاگلپور :بہار میں بھاگلپور کے سینئر پولیس سپرنٹنڈنٹ وویک کمار نے پولیس لائن میں کاربائن سے گولی چلنے کے معاملے میں حولدار وشوناتھ پاسوان کو معطل کر دیا۔
پولیس ذرائع نے آج یہاں بتایا کہ تلکا مانجھی تھانہ علاقہ میں واقع پولیس لائن میں گذشتہ روز حولدار وشوناتھ پاسوان کاربائن صاف کر رہا تھا اسی وقت اچانک گولیاں چلنے لگیں ۔ اس حادثہ میں موقع پر موجود پولیس جوان محمدتسلیم کے پا¶ں میں تین گولیاں لگیں۔ ذرائع نے بتایا کہ تحقیقات کی بنیاد پر سینئر پولیس سپرنٹنڈنٹ نے فوری طور پر حولدار کو معطل کر دیا ۔ کاربائن ضبط کرلی گئی اور زخمی جوان کو بھاگلپور میڈیکل کالج ہسپتال میں داخل کرادیا گیا ہے ۔