یرغمال صراف آزاد ۔ چار گرفتار

فتح پور: اترپردیش کی فتح پور پولیس نے چار اغواکاروں کو گرفتار کرکے یرغمال صراف کو آزاد کرایا۔
پولیس کے ترجمان نے آج یہاں بتایا کہ 5 ستمبر کو الہ آباد کے نیائے مارگ سے بدمعاشوں نے صراف پنکج مہندرا کو ان کی گاڑی سمیت اغوا کرلیا تھا اور دس کروڑ روپے کی مانگ کی تھی۔ انہوں نے بتایا کہ پولیس نے اساتھور علاقے سے اغواکاروں وکاس شریواستو، ببلو یادو، مہندر یادو اور اشوک کمار کو گرفتار کرکے ان کی نشاندہی پر صراف کو آزاد کرالیا ہے ۔ کار بھی برآمد کرلی گئی ہے ۔پکڑے گئے اغواکاروں نے بتایا کہ بریلی جیل میں بند بدنام مجرم ببلو شریواستو کے کہنے پر صراف کا اغوا کیا گیا تھا۔