لیبیا میں جیل کے نزدیک کار بم دھماکہ

تریپولی:لیبیا کی راجدھانی تریپولی میں الحبدہ جیل کے نزدیک ایک زبردست کار بم دھماکہ ہونے کی اطلاع ملی ہے ۔ اس جیل میں آمر معمر قدافی کا بیٹا سعاد اور ان کے دور اقتدار کے کئی حکام قید ہیں۔سیکورٹی سے وابستہ ذرائع نے بتایا کہ یہ دھماکہ الحبدہ جیل کی باہری دیوار سے تقریباََ 150میٹر کی دوری پر ہوا۔ انہوں نے بتایا کہ ایک خاتون نے جیل میں قید کسی شخص سے ملنے کی بات کہہ کر جیل کے پاس اپنی کار کھڑی کردی جس کے بعد میں کار میں دھماکہ ہوگیا ۔ بہرحال اس میں کسی کے زخمی یا ہلاک ہونے کی اطلاع نہیں ہے ۔انہوں نے بتایا کہ اس جیل کو نہایت محفوظ سمجھاجاتا ہے کیونکہ یہاں قدافی کا بیٹا سعاد اور اس کے دور اقتدار کے کئی حکام قید ہیں جنہیں مختلف جرائم کے لئے پھانسی اور عمرقید کی سزا سنائی گئی ہے ۔