سیالدہ اور اجمیر کے درمیان اسپیشل ٹرینیں چلیں گی

آگرہ : ریل انتظامیہ نے تہوار کے موقع پر ہفتہ وار سپرفاسٹ اور پوجا اسپیشل ایکسپریس ٹرین چلانے کا فیصلہ کیا ہے ۔ریلوے ذرائع نے بتایا کہ 20 اکتوبر سے 10 نومبر تک سپر فاسٹ اسپیشل ٹرین نمبر 02263 سیالدہ سے اجمیر کے درمیان ہر منگل کو اور اسپیشل ٹرین نمبر 02264 اجمیر-سیالدہ کے درمیان ہر جمعرات کو 22 اکتوبر سے 12 نومبر تک چلے گی۔ انہوں نے بتایا کہ اس ٹرین میں 15 اے سی کوچ ہوں گے ۔ یہ ٹرین آگرہ ہوکر جائے گی۔ ذرائع کے مطابق اسپیشل ٹرین نمبر 09807 کوٹا سے نظام الدین 11 ستمبر سے 30 ستمبر تک 20 ٹرپ کرے گی. وہیں نظام الدین سے کوٹا کے لئے 12 ستمبر سے ایک اکتوبر تک 20 ٹرپ کرے گی۔