انہوں نے الزام لگایا کہ کیجریوال حکومت اپنے مختلف اشتہارات میں عوامی بہبود کے بڑے بڑے دعوے کرتی رہی ہے لیکن ڈینگو سے بیداری کے سلسلے میں وہ اشتہارات پر کوئی رقم خرچ نہیں کر رہی ہے ، مسٹر ماکن نے کہا کہ کیجریوال حکومت صرف سیاسی مفادات کے لئے اشتہارات پر پیسے خرچ کر رہی ہے ۔
عوامی مفادات کے لئے نہیں۔مسٹر اجے ماکن نے کہا کہ ڈینگو کے وبا کی شکل اختیار کرلینے کے بعد کیجری وال حکومت نے دہلی کے مختلف اسپتالوں میں مریضوں کے لئے ایک ہزار بستر لگانے کا آرڈر تو کردیا ہے لیکن یہ بستر کہاں لگائے جائیں گے ۔
اس کا اب تک کوئی انتظام نہیں کیا گیا ہے ۔انہوں نے کہا کہ کانگریس نے ڈینگو کے مرض سے بچنے اور احتیاطی اقدامات کے لئے اشتہار کا ایک خاکہ تیار کرکے دہلی کے وزیر اعلی کیجری وال کو بھیجنے کا فیصلہ کیا ہے تاکہ وہ اس اشتہار کا عوامی مفادات کا لئے استعمال کریں۔مسٹر ماکن نے کہا کہ کانگریس آئندہ 17 ستمبر جمعرات کو وزیر اعلی کیجری وال کی رہائش گاہ کے سامنے مظاہرہ کرکے ڈینگو کے امراض کے تئیں مسٹر کیجری وال کو بیدار کرے گی تاکہ وہ اس سمت میں احتیاطی اقدامات کریں۔
کانگریس کی سینئر لیڈر اور دہلی کی سابق وزیر کرن والیہ نے کہا کہ کانگریس کے دور اقتدار میں موسم بدلنے کے ساتھ ہی ڈینگو کی بیماری سے روک تھام کے لئے ہر سال قبل از وقت احتیاطی اقدامات کرتی تھی۔ اس لئے ایم سی ڈی، دہلی حکومت اور مرکزی حکومت کو ڈینگو کی روک تھام کے لئے فوری اقدامات کرنے چاہئیں۔پریس کانفرنس میں کانگریس کی دہلی یونٹ کی ترجمان اعلی شرمسٹھا مکھرجی بھی موجود تھیں۔
