ممبئی: بالی ووڈ کے اسٹار اداکار عامر خان نے شاہ رخ خان اور سلمان خان کو بہترین اداکاری کے ساتھ بہترین گلوکار بھی قرار دے دیا۔ بالی ووڈ کے خانز میں ناراضگیوں کا دور ختم ہو چکا، آج کل دوستی کا ماحول ہے، تینوں خانز کی دوستی گہری ہوتی نظر آ رہی ہے۔ اور تینوں ایک دوسرے کی تعریف کرنے کا کوئی موقع ہاتھ سے نہیں جانے دیتے۔
بھارتی ٹی وی کو انٹرویو دیتے ہوئے بالی ووڈ کے اسٹار اداکار عامر خان کا کہنا تھا کہ شاہ رخ خان اور سلمان خان بڑے اداکار ہیں، اداکاری کے ساتھ ساتھ بہت اچھی گلو کاری بھی کرتے ہیں۔ جب کہ دونوں اداکاروں کی اپنی اپنی خوبیاں ہیں اور میں بھی ان کی فلمیں دیکھ بہت لطف اندوز ہوتا ہوں۔ عامر خان کا مزید کہنا تھا کہ فلم کا اسکرپٹ اچھا ہو تو شاہ رخ خان اور سلمان خان کے ساتھ فلم میں کام کرنے کو تیار ہوں۔
