جگموہن ڈالمیا کی رحلت پر صدر جمہوریہ کی تعزیت

نئی دہلی:صدر جمہوریہ ہند پرنب مکھرجی نے بی سی سی آئی کے صدر جگموہن ڈالمیا کی رحلت پر افسوس کا اظہار کیا ہے ۔ اپنے تعزیتی پیغام میں صدر جمہوریہ نے کہا جگموہن ڈالمیا کی وفات کی خبر سن کر مجھے بیحد دُکھ اور رنج ہوا ہے ۔ مسٹر ڈالمیا ہندوستانی کرکٹ کے عظیم وژن رکھنے والے مشہور قائد تھے ۔ ہندوستانی کرکٹ کنٹرول بورڈ کے صدر رہتے ہوئے انہوں نے ہندوستان میں کرکٹ ورلڈ کپ لانے میں نمایاں رول ادا کیا۔ علاوہ ازیں ڈالمیا ایک نہایت کامیاب صنعتکار تھے ۔