کیون پیٹرسن کا پاکستان سپر لیگ میں شرکت کیلئے معاہدہ

لاہور: انگلینڈ کرکٹ ٹیم کے سابق بلے باز کیون پیٹرسن نے پاکستان سپر لیگ میں شرکت کا معاہدہ کر لیا ہے جس سے شائقین کی دلچسپی مزید بڑھ گئی ہے۔ پاکستان سپر لیگ 2016 فروری میں کھیلی جائے گی، کیون پیٹرسن نے اپنے پیغام میں بتایا کہ مجھے پاکستان سپر لیگ کا بے چینی سے انتظار ہے کیونکہ یہ روایتی ٹی ٹوئنٹی ایونٹ ہوگا جس میں چھکوں اور وکٹوں کی بھرمار ہوگی۔ پاکستان سپر لیگ کی جانب سے اس بات کا اعلان کیا گیا ہے کہ کرس گیل، کیرن پولارڈ، ڈیوائن براوو، سنیل نارائن اور شکیب الحسن نے سپر لیگ کھیلنے کے لیے رضامندی ظاہر کر دی ہے۔۔