للت مودی نے ڈالمیا کو خراج عقیدت پیش کی

نئی دہلی۔آئی پی ایل کے سابق کمشنر للت مودی نے بی سی سی آئی کے مرحوم صدر جگموہن ڈالمیا کو خراج عقیدت پیش کی۔برطانیہ میں رہ رہے مودی نے ٹویٹ کر کے کہا ڈالمیا انتہائی قابل حریف تھے۔ میری ان کے خاندان کے فی تعزیت ہے۔ ہندوستانی کرکٹ ان کی شراکت ہمیشہ یاد رکھے گا۔ڈالمیا کا کولکتہ میں دل کا دورہ پڑنے سے انتقال ہو گیا تھا۔ وہ 75 سال کے تھے۔
رگبی ورلڈ کپ میںنیوزی لینڈ کی ارجنٹینا پرفتح
لندن۔ رگبی ورلڈ کپ میں پول سی کے سنسنی خیز میچ میں نیوزی لینڈ نے ارجنٹینا کو 16۔26 شکست دے کر حریف ٹیموں کے لیے خطرے کی گھنٹی بجا دی۔ رگبی ورلڈ کپ کے کانٹے دار مقابلے انگلینڈ میں جاری ہیں۔ لندن میں گروپ سی کے افتتاحی میچ میں نیوزی لینڈ اور ارجنٹینا کی ٹیمیں مدمقابل ہوئیں۔ میچ دیکھنے کے لیے شائقین کی ریکارڈ 89,019 تعداد اسٹیڈیم میں موجود تھی۔
کھیل شروع ہوتے ہی دونوں ٹیموں نے ایک دوسرے کی گول پوسٹ پر تابڑ توڑ حملے کیے۔ کھیل کے پہلے ہاف میں کیویز کی ٹیم نے 13 کے مقابلے میں 12 گولز سے برتری حاصل کر لی۔ کھیل کے دوسرے ہاف میں ارجنٹینا کی ٹیم سست روی کا شکار رہی جس کا نیوزی لینڈ نے بھرپور فائدہ اٹھایا۔ ایونٹ کی فیورٹ ٹیم نیوزی لینڈ نے عمدہ پرفارمنس کا مظاہرہ کرتے ہوئے میچ 16 کے مقابلے میں 26 گولز سے اپنے نام کر لی۔