برازیل: جی ٹی تھری کپ ریس کے دوران خوفناک حادثہ

برازیل میں جی ٹی تھری کپ ریس کے دوران خوفناک حادثے نے شائقین کے دل ہلا دیے۔ برازیلین ڈرائیور پیڈرو پیکٹ موت کے منہ سے واپس آگئے۔جی ٹی تھری کپ ریس میں خوفناک حادثہ، برازیلین ڈرائیور پیڈرو پیکٹ موت کے منہ سے واپس آ گئے۔ برازیل میں ریس کے دوران تین مرتبہ کے فارمولہ ون چیمپین نیلسن پیکٹ کے بیٹے کی کار کو حادثہ ہوا۔ گاڑی سے ٹکر لگنے کے بعد ان کی گاڑی نے نو مرتبہ قلابازی کھائی مگر پیڈرو خوش قسمتی سے محفوظ رہے۔ حادثے کے فوری بعد انہیں اسپتال پہنچایا گیا مگر حیرت انگیز طور پر انہیں معمولی خراشیں آئی۔ پیڈرو پِیکٹ کہتے ہیں کہ وہ بچ جانے پر خود کو بہت خوش قسمت سمجھتے ہیں۔