۹۷۳کلو وزنی کدواگا کر ریکارڈ قائم

نیو یارک: امریکا کے ایک کسان نے ۹۷۳کلو گرام وزنی دیو ہیکل کدّو آگا کر شمالی امریکا کے سب سے بھاری بھرکم کدو کا ریکارڈ اپنے نام کر لیا۔ امریکی ریاست ایلی نوائے سے تعلق رکھنے والے میک مولن نامی کاشت کار نے اپنے کھیتوں میں اگایا ہوا یہ کدّو امریکی ریاست وسکونسن میں ایک فیسٹیول کے دوران پیش کیا، جسے دیکھ کر وہاں موجود تمام افراد حیران رہ گئے۔ فیسٹیول کے دوران عام سائز کے کدو سے کئی گنا بڑے اس کدو کا وزن بھی کیا گیا جو کہ 2145 اعشاریہ 5 پونڈ وزنی تھا۔ واضح رہے کہ میک مولن نے گذشتہ برس بھی 1600 پونڈ وزنی دیو ہیکل کدّو اگا کر دیکھنے والوں کو چونکا دیا تھا۔