مہرشی ودیا مندر کا چیئرمین گرفتار

بھوپال، 30 دسمبر (یو این آئی) مہرشی ودیا مندر اسکول گروپ کے چیئرمین گریش چندر ورما کو مبینہ طور پر ایک خاتون ٹیچر کی عصمت دری کے معاملے میں گرفتارکرلیا گیا۔ذرائع نے بتایاکہ اسے آج مقامی عدالت میں پیش کیا جائے گا۔سٹی سپرنٹنڈنٹ آف پولیس (جہانگیر آباد) سلیم خان نے اس بات کی تصدیق کی ہے کہ ورما کو کل سہ پہر گرفتار کیا گیا تھا۔ایک خاتون نے مارچ میں ورما کے خلاف کیس درج کرایا تھا اور پولیس نے حال ہی میں فریقین کے بیانات درج کئے تھے۔