انکم ٹیکس افسروں نے تلگو اور تمل فلموں کے اداکاروں کے مکانات پر تمل ناڈو و کیرل میں چھاپے مارے

چینئی : انکم ٹیکس ڈپارٹمنٹ نے تلگو اور تمل فلموں کی اداکارہ سامنتا کے علاوہ دیگر اداکاروں وجئے اور نین تارا کے مکانات پر تمل ناڈو و کیرل کے 32مقامات پر چھاپے مارے ۔ ان اداکاروں کے مکانات اور دفاتر پر یہ دھاوے ایک ساتھ کئے گئے ۔ انکم ٹیکس کے افسروں نے تمل فلموں کے اداکار وجئے کی آنے والی ٹامل فلم پلی(PULLY) کے پروڈیوسرس کے مکانات پر بھی چھاپے مارے ۔ اس فلم میں آمدنی سے زائد دیگر ذرائع سے حاصل رقم کے ذریعہ سرمایہ کاری کرنے کی رپورٹس کے بعد یہ چھاپے مارے گئے ۔ یہ فلم وجئے کی کیریئر کی سب سے مہنگی ترین فلم سمجھی جارہی ہے ۔