فیس بک سروسز کی ہفتے میں دوسری بار بندش و بحالی

دنیا کے بیشتر ممالک میں سوشل نیٹ ورکنگ ویب سائٹس فیس بک سروس کچھ دیرمعطل رہنے کے بعد بحال ہوگئی خرابی کے دوران دنیا بھرمیں فیس بک کے کروڑوں صارفین کو پرسنل ڈیٹا تک رسائی میں مشکلات کا سامنا کرنا پڑا۔ ویب سائٹ کے ترجمان نے ایک بیان جاری کیا جس میں کہا گیا کہ فیس بک بند ہونے کی وجہ کا پتا چلا رہے ہیں۔جتنی جلد ممکن ہوا ویب سائٹ کوبحال کر دیں گے۔ تاہم اس بیان کے کچھ ہی دیربعد سوشل میڈیا کی سب سے مقبول ویب سائٹ فیس بک کو بحال کر دیا گیا۔ یاد رہے ابھی تین دن پہلے بھی فیس بک بند ہوگئی تھی جس کی وجہ سے ساری دنیا میں فیس بک صارفین کو پریشانی کا سامنا کرنا پڑا تھا۔