بس نے اسکارپیو کو ٹکر ماری، ایک نوجوان کی موت

گریٹر نوئیڈا: اترپردیش میں گریٹر نوئیڈا کے تھانہ دھنکور کے تحت ایکسپریس وے پر آج صبح ایک تیز رفتار بس نے اسکارپیو گاڑی کو ٹکر مار دی جس سے اسکارپیو میں سوار ایک شخص کی موت اور تین دیگر افرادبری طرح زخمی ہوگئے ۔پولیس نے بتایا کہ سلار پورگاوں میں رہنے والے شبھم شرما، منجیت، نتن اور شیبو اپنی بہن کو آج صبح اپنی بہن کو گلگوٹیا کالج چھوڑنے کے بعد اسکارپیو سے واپس آرہے تھے کہ دھنکور تھانہ کے تحت ایکسپریس وے پر ایک تیز رفتار بس سے انکی گاڑی کی ٹکر ہوگئی جس سے اسکارپیو گاڑی بے قابو ہوکر الٹ گئی اور چاروں نوجوان بری طرح زخمی ہوگئے ۔شبھم کی موقع پر ہی موت ہوگئی ۔ حادثہ کی اطلاع ملنے کے بعد موقع پر پہنچی پولیس نے منجیت، نتن اور شیبو کو علاج کے لئے کیلاش اسپتال میں داخل کرایا ہے جہاں تینوں کی حالت تشویشناک ہے ۔