سات اکتوبر کو بہار میں راہل گاندھی کی تین ریلیاں

نئی دہلی :امریکہ کے دورہ سے واپس آنے کے بعد کانگریس کے نائب صدر راہل گاندھی سات اکتوبر کو بہار میں تین انتخابی ریلیوں سے خطاب کریں گے ۔مسٹر گاندھی کے دفتر نے آج یہاں ٹوئٹ کرکے مسٹر گاندھی کا پروگرام جاری کرتے ہوئے کہا کہ مسٹر گاندھی سات اکتوبر کو بیگوسرائے ، شیخوپورہ اور روہتاس میں ریلیوں سے خطاب کریں گے ۔ اس کے اگلے روز وہ کرناٹک کے دورہ پر جائیں گے جہاں پر 9 اور 10اکتوبر کو گنا کسانوں سے ملاقات کے ساتھ ساتھ پدیاترا بھی کریں گے ۔بہار اسمبلی کی 243سیٹوں کے لئے 12اکتوبر سے پانچ نومبر کے درمیان پانچ مرحلوں میں الیکشن ہوں گے اور آٹھ نومبر کو ووٹوں کی گنتی کی جائے گی۔