آج بھی جاری رہا پرچہ داخل کرنے کا سلسلہ

شاہجہانپور:پنچایت الیکشن کے دوسرے مرحلے میں آج مدنا پور ، ددرول ، کانٹ اور بھاول کھیڑا میں نامزدگی کے دوسرے مرحلے کا پہلا دن زور دار رہا ۔
آج نگرپالکا پریشد میں پنچایت انتخاب کے دوسرے مرحلے میں نامزدگی ڈھول تاشوں کے ساتھ ہوئی ۔ اور وہیں سے جمع ہو کر سماج وادی پارٹی کی ضلع صدر اور موجود ہ چیرمین تنویر خان کے بہنوئی انور سعید نے بھی انتخابی میدان میں اتر کر اپنی نامزدگی پنچایت رکن وارڈ نمبر ۴۱ ددرول اول سے بھری۔ جس میں شہباز نگر ،ریبھا ، ٹکر ی، گھسگواں ، عزیز پور، نوگواں ، گوبرسنڈا ، ادے پور ، دھنورا ، سمرولی اور سبر سبری آتے ہیں۔ اس کے ساتھ ساتھ اب دوسرے مرحلے کی آخری تاریخ تین اکتوبر کو بھی صبح ۸ بجے سے شام ۴ بجے تک نامزدگی بھری جائے گی۔ جس میں دوسرے مرحلے کی پرچہ نامزدگی کی جانچ ۴اور ۵ اکتوبر کو کی جائے گی۔ اس کے بعد تیسرے مرحلے کی نامزدگی کا نام چھ اکتوبر سے شروع ہوگا۔ جس میں خدا گنج ، جیتی پور، نگوہی اور تلہر شامل ہیں۔ جس کی نامزدگی کاکام چھ اور سات اکتوبر شام چار بجے تک چلے گا۔