آرسنل کی مانچسٹر یونائٹڈ کے خلاف تین گول سے فتح

آرسنل کی طرف سے پہلا گول ساچیز نے میچ چھٹے منٹ میں کیا
انگلش پریمیئر لیگ کے لندن میں کھیلے جانے والے ایک میچ میں آرسنل نے مانچسٹر یونائٹڈ کو صفر کے مقابلے میں تین گول سے شکست دیدی ہے۔
یہ میچ لندن کے ایمیرٹس سٹیڈیم میں کھیلا گیا جو آرسنل کا ہوم گراؤنڈ ہے۔تینوں گول میچ کے پہلے ہاف میں ہوئے۔
آرسنل کی طرف سے پہلا گول ساچیز نے میچ کے چھٹے منٹ میں کیا۔ انھوں نے نہایت خوبصورتی سے اپنے پاؤں کی ایڑھی سے گیند کو گول کے اندر پھینک دیا۔ اس کے ایک ہی منٹ بعد اوزل نے تھیو والکوٹ کے ایک پاس پر دوسرا گول کر دیا۔ میچ کے 19ویں منٹ میں سانچیز نے اپنا دوسرا اور میچ کا تیسرا گول ایک انتہائی خوبصورت کِک لگا کر کیا۔
اس شاندار فتح کے بعد اب پوائنٹس ٹیبل پر آرسنل دوسرے نمبر پر آگئی ہے۔ جبکہ مانچسٹر یونائٹڈ تیسرے نمبر پر ہے۔
پوائنٹس ٹیبل پر اس وقت مانچسٹر سٹی سرِ فہرست ہے۔
جبکہ دفاعی چیمپیئن چیلسی پوائنٹس ٹیبل پر 16ویں نمبر پر ہے۔