تیسرے مرحلے کی نامزدگی ۶ سے ۷ اکتوبر تک ہوگی

لکھنو:مقامی پنچایت اراکین اور ضلع پنچایت اراکین کے تیسرے مرحلے کے انتخاب کیلئے پردہ نامزدگی چھ سے سات اکتوبر تک مقررہ وقت صبح ۸ بجے سے شام چار بجے تک داخل کئے جائیں گے۔ ریاستی الیکشن کمیشن کے ذریعہ اکیس ستمبر کو جاری کئے گئے آرڈنینس کے مطابق تیسرے مرحلے کے پنچایت انتخابات کیلئے چھ اور سات اکتوبر کو امیدوارووں کے ذریعہ داخل کئے گئے پرچہ نامزدگی کی جانچ ۸ سے ۹ اکتوبر تک صبح ۸ بجے سے کام کے مکمل ہونے تک کی جائے گی۔ تیسرے مرحلہ کے انتخاب کیلئے دس اکتوبر کو صبح ۸ بجے سے سہ پہر تین بجے تک نامزدگی واپس لینے کی تاریخ اور وقت مقرر کیا گیا ہے۔ علامتی نشان الاٹ کرنے کا کام بھی دس اکتوبر کو ہی سہ پہر تین بجے سے کام ختم ہونے تک جاری رہے گا۔