ثناء آئٹم سانگ کیلئے تیار

پاکستانی ہدایت کار فاروق مینگل کی زیرتکمیل فلم ’ہجرت‘ میں ایک آئٹم سانگ فلمایا جائے گا جس میں اداکارہ ثناء نواز رقص کرتی نظر آئیں گی۔اس فلم میں رابعہ بٹ، اسد زمان، رباب علی، ندیم بیگ اور ایوب کھوسہ اہم کرداروں میں نظر آئیں گے۔اداکارہ ثناء کے مطابق وہ اس فلم میں یہ گانا کرتے ہوئے بہت خوشی محسوس کر رہی ہیں کیوں کہ وہ بہت فلمی ہیں اور انہیں ایسا لگتا ہے کہ یہ گانا صرف ان کے لیے ہی بنا ہے۔’چلی رے دہلی سے لاہور‘ نامی اس گانے کی کوریوگرافی کے فرائض حسن رضوی انجام دے رہے ہیں۔
اس گانے کی موسیقی رقص کے حوالے سے کافی تیز ہوگی۔فاروق مینگل کے مطابق فلم ایک رومانوی کہانی پر مبنی ہے جس میں پاکستانی ماڈل رابعہ بٹ پہلی مرتبہ اداکاری کرتی نظر آئیں گی۔فلم ’ہجرت‘ 31 دسمبر کو ریلیز کی جائے گی۔