قتل عام کے بعد کالج کو دوبارہ کھولا گیا

روزبرگ:امریکہ میں اوریگن کے ایک کالج میں ہوئے قتل عام کے بعد یہ کالج دوبارہ کھولا گیا ہے ۔اسکولی حکام نے کہا کہ اوریگن میں روزبرگ کے امپکوا کمیونٹی کالج آج پھر سے کھل گیا ہے جہاں طلبہ اور ملازمین کالج میں نظر آئے ۔ کالج کا دوبارہ کھلنے کا مقصد کلاس سے پہلے کیمپس میں حالات کو معمول پر لانا ہے ۔انہوں نے کہا کہ کالج افسران نے اتوار کی شام میٹنگ کی اور کالج کے دوبارہ کھلنے کی تیاریوں پر تبادلہ خیال کیا۔ واضح رہے کہ حملے کے تفتیش کاروں نے پہلے کہا تھا کہ فائرنگ کے بعد پولیس تصادم میں حملہ آور ہلاک کر دیا گیا تھا لیکن اس کے بعد کی خبروں میں کہا گیا کہ حملہ آور نے خود کشی کر لی تھی۔قابل ذکر ہے کہ ایک نوجوان نے اوریگن میں واقع اس کالج میں اندھا دھند فائرنگ کر پروفیسر سمیت9 افراد کو قتل کر دیا تھا بعد میں اس نے خود بھی خود کشی کر لی تھی۔