ممبئی: بولی وڈ میں مختلف کرداروں سے شہرت حاصل کرنے والی اداکار ودیا بالن اب ایک نئے روپ میں جلوہ گر ہوں گی۔
کیوٹ گرل دیا مرزا اور ساحل سانگھا کی نئی فلم ‘بوبی حسینہ’ میں کہانی گرل نبھائیں گی جاسوس حسینہ کا کردار۔
بولی وڈ فلم ‘ڈرٹی پکچر’ میں بولڈ اداکار کا کردار ہو یا پھر فلم ‘کہانی’ میں اپنے شوہر کو تلاش کرتی حاملہ عورت کا روپ۔
ودیا ہمیشہ اپنی جاندار اداکاری سے کرداروں میں حقیقت کا ایسا رنگ بھرتی ہیں کہ تنقید کرنے والے بھی انہیں داد دینے پر مجبور ہو جاتے ہیں۔
مردانہ کرداروں کے گرد گھومتی فلم انڈسٹری میں غیرمعمولی رسک لے کر بھرپور کامیابیاں سمیٹنے والی یہ اداکار اب ایک اور رسک لینے جا رہی ہیں۔
ودیا کہتی ہیں کہ جاسوس حسینہ کا کردار اُن کے لیے خاصا دلچسپ ہوگا، وہ دیا اور ساحل جیسے پروڈیوسرز کے ساتھ کام کرنے کے لیے بہت پرجوش ہیں۔
فلم کی کہانی سمیر شیخ نے لکھی ہے جبکہ ہدایات سانیکتا چاولہ دے رہے ہیں۔
