ٹرک کی ٹکر سے موٹر سائیکل سوار کی موت

کانپور: نواب گنج تھانہ حلقہ میں علی الصبح بے قابو ٹرک نے موٹر سائیکل سوار دوستوں کو ٹکر مار دی ۔ حادثے میں موٹر سائیکل ڈرائیور کی موت ہو گئی جبکہ اس کا دوست زخمی ہو گیا ۔ مقامی لوگوں کی اطلاع کے بعد بھی کئی گھنٹے بعد پہنچی پولیس نے زخمی کو اسپتال میں داخل کراتے ہوئے لاش پوسٹ مارٹم کےلئے بھیج دیا۔
گوند نگر تھانہ حلقہ واقع داد انگر علاقے میں رہنے والے ہریش سلوجا نجی کمپنی میں سپر وائز ر کے عہدے پر تعینات تھا۔ منگل کی صبح ہریش اپنی موٹر سائیکل سے دوست اجے کے ساتھ نواب گنج جا رہا تھا۔ تبھی پیچھے سے آئے تیز رفتار ٹرک نے اوور ٹیک کے دوران موٹرسائیکل میں ٹکر مار دی ٹکر لگتے ہی ہریش دوست کے ساتھ گرپڑا اور موقع پر ہی ہریش کی موت ہو گئی جبکہ اس کا دوست شدید طور پر زخمی ہو گیا۔ حادثہ انجام دے کر ڈرائیور موقع سے ٹکر لے کر فرار ہو گیا۔مقامی لوگوں نے حادثے کی اطلاع پولیس کو دی ۔ الزام ہے کہ کئی گھنٹوں بعد پولیس نے لاش کو پوسٹ مارٹم کے لئے بھیج دیا۔ او رزخمی کو اسپتال میں داخل کرایا۔