کولمبو:ویسٹ انڈیز کرکٹ ٹیم کے کپتان جیسن ہولڈر کو دوسری دفعہ سلو اوورریٹ پر ایک ون ڈے میچ کے لیے معطل کردیا گیا ہے۔
ویسٹ انڈیز کرکٹ ٹیم سری لنکاکے خلاف کولمبو میں منعقدہ ون ڈے میچ میں مقررہ وقت سے دو اوور پیچھے تھی۔
یکم نومبر کو کھیلے گئے اس میچ میں سری لنکا نے ویسٹ انڈیز کو ڈک ورتھ لوئس قانون کے تحت ایک وکٹ سے شکست دی تھی۔
جیسن ہولڈر سری لنکا کے خلاف بدھ کو تین میچوں کی سیریز کے دوسرے میچ میں ٹیم کی قیادت نہیں کرپائیں گے.
صرف یہی نہیں بلکہ ہولڈر پر میچ فیس کا چالیس جبکہ ٹیم کے دیگر کھلاڑیوں کو بیس فی صد جرمانہ بھی عائد کیا گیاہے۔
جیسن ہولڈر اور ویسٹ انڈیز ٹیم اس سے قبل رواں سال جنوری میں جنوبی افریقہ کے خلاف میچ میں سست رفتاری کی مرتکب ہوئی تھی۔
