جدہ: خواتین کے لباس میں ملبوس ایک شخص علی الصبح سعودی عرب کی ایک مسجد میں گھس گیا جہاں عبادت میں مصروف ایک خاتون کو اغوا کرنے کی کوشش کی تاہم دیگر خواتین نے یہ کوشش ناکام بنا دی جبکہ بھاگتے ملزم کو پکڑ کر حوالہ پولیس کر دیا گیا۔
عرب اخبار صدا کے مطابق ملزم کے خاتون کو اغواکی کوشش پر دیگر خواتین بھی جھپٹ پڑیں اور اغوا کرنے کی کوشش ناکام بنا دی۔ اخبار نے مزید بتایا کہ سکول ٹیچر خاتون مدینہ کے ایک قصبے میں صبح کی عبارت کر رہی تھی جب اس شخص نے دھاوا بول دیا۔
اخبار نے بتایا کہ حملہ ہونے پر خاتون نے چلانا شروع کر دیا اور مسجد میں موجود دیگر خواتین نے مرد پر دھاوا بول دیا اور جیسے ہی اس نے اپنے کار میں سوار ہو کر بھاگنے کی کوشش کی تو علاقے میں موجود ڈرائیورز نے اسے پکڑ لیا اور پولیس کے حوالے کر دیا۔
