پریم رتن دھن پایونے 100 کروڑ کی کمائی کی

ممبئی : بالی ووڈ کے اداکار سلمان خان کی فلم ‘پریم رتن دھن پایو’ نے ریلیز کے اپنے پہلے ہی ہفتہ میں 100 کروڑ روپے کی کمائی کر لی ہے ۔ سورج بڑجاتیا کی ہدایت میں بنی یہ فلم ۔12 نومبر کوریلیز ہوئی ہے ۔ریلیز کے پہلے ہی دن اس فلم نے 40.35 کروڑ روپے کا شاندار بزنس کیا تھا۔ فلم نے تین دن کے اندر 101 کروڑ روپے کی کمائی کر لی ہے ۔واضح رہے کہ سلمان خان اور سورج بڑجاتیا نے ایک ساتھ 16 برسوں کے بعد اس فلم میں کام کیا ہے ۔ سلمان نے سورج کے ساتھ‘ میں نے پیار کیا’،‘ ہم آپ کے ہیں کون ’اور‘ ہم ساتھ ساتھ ہیں ’ جیسی سپر ہٹ فلموں میں کام کیا ہے ۔ پریم رتن دھن پایو فلم میں سلمان خان کے علاوہ سونم کپور، انوپم کھیر، سورا بھاسکر، نیل نتن مکیش اور ارمان کوہلی کے بھی اہم کردار ہیں۔