سڑک حادثہ میں موٹر سائیکل سوار کانسٹبل ہلاک

متھرا: اترپردیش میں ضلع متھرا کے کوسی کلاں علاقے میں کل رات ہوئے سڑک حادثہ میں موٹر سائیکل سوار ایک کانسٹبل ہلاک ہوگیا۔پولیس کے ترجمان نے آج یہاں بتایاکہ کوسی کلاں تھانہ میں تعینات کانسٹبل اوم ویر (35) بلبھ گڑھ (ہریانہ) سے برآمد چوری کی موٹر سائیکل کو لے کر واپس تھانے آ رہا تھا کہ ایک نامعلوم موٹر سائیکل نے اسے قومی شاہراہ نمبر 2 پر کُٹبن سرحد کے قریب ٹکر مار دی جس سے وہ زخمی ہوگیا۔نازک حالت میں اوم ویر کو اسپتال میں داخل کرایا گیا جہاں علاج کے دوران اس کی موت ہوگئی۔ وہ ضلع اٹاوہ کے سیفئی علاقہ کا رہنے والا تھا۔